Háliidat go šaddat oassin Sámedikki hálddahusa jođiheaddjijoavkkus?

Ossodatdirektevra - Bajásšaddan- ja oahpahusossodat

Sámediggi

Sámediggi lea Norgga beale sápmelaččaid nationála álbmotválljen orgána. Sámediggi bargá dan ala ahte sápmelaččat galget beassat ovddidit gielaset, kultuvrraset ja servodateallimeaset. Parlameantavisti lea Kárášjogas.

Sámedikki hálddahusa jođiha direktevra, lea juhkkojuvvon fágaossodagaide ja stábii, ja das leat sullii 150 jahkebargodoaimma. Kánturbáikkit leat Kárášjogas, Vuonnabađas Unjárggas, Guovdageainnus, Olmmáivákkis Gáivuonas, Evenáššis Dielddanuoris, Ájluovttas Hápmiris, Aarportes ja Snoasas.

Virggi birra

Sámedikki bajásšaddan- ja oahpahusossodagas lea rabas bissovaš virgi ossodatdirektevran.

Bargosadji lea okta Sámedikki kántorbáikkiin gos lea kántorsadji.

Álgin farggamusat.

Ovddasvástádussuorggit

Bajásšaddan- ja oahpahusossodagas lea ovddasvástádus ossodaga ovddasvástádussuorggi politihkkaovdánahttimis, ja hálddaša mánáidgárde-, vuođđooahpahus- ja alit oahpposuorggi váikkuhangaskaomiid.

Ossodat lea juhkkojuvvon golmma juhkosii: 

  • Mánáidgárdejuogus 
  • Vuođđooahpahusjuogus 
  • Alit oahpu ja dutkama juogus 

Ossodagas leat oktiibuot 16 bissovaš bargi.

Barggut

Direktevran šattat oassin hálddahusa jođiheaddjijoavkkus ja galggat bargat lahkalagaid politihkalaš jođihangottiin.

Guovddáš ovddasvástádussuorggit ja barggut:

  • Ossodaga ja ossodaga fágalaš doaimma jođiheapmi
  • Organisašuvdnaovdánahttin ja bargiidovddasvástádus
  • Bušeahtta- ja boađusovddasvástádus
  • Strategiijabargu

Gelbbolašvuohta

Don lea jođiheaddji ja oaivadeaddji mii nákcet buori organisašuvdnakultuvrra ja nana ja gelbbolaš joavkku hukset. Jođiheamis don leat rabas earáid oainnuide ja nákcet sihke iežat ja birrasa evalueret. Nana gálggaiguin ovttasbarggus ja gulahallamis don nákcet ovttasbargguin earáiguin bohtosiid joksat.

Mii ohcat du geas lea:

  • Relevánta oahppu masterdásis, vejolaččat relevánta bachelorgráda ja bargohárjáneapmi
  • Relevánta jođihanhárjáneapmi
  • Nana máhttu fágasuorggis
  • Strategalaš gelbbolašvuohta
  • Sámi servodaga dovdan
  • Máhttu politihka ja mearrádusproseassaid birra
  • Nana digitála gelbbolašvuohta


Dasto fertet máhttit sámegiela, skandinávalaš giela ja eaŋgalasgiela njálmmálaččat.

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1060 Ossodatdirektevra.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa
  • Máškidis bargoáigi ja buorit čálgoortnegat
     

Stáhtalaš bargoveahka galgá nu bures go vejolaš speadjalastit álbmoga máŋggabealatvuođa. Lea bargiidpolitihkalaš mihttomearrin dássedis ahke- ja sohkabealčoahkádusa joksat ja rekruteret olbmuid geain lea sisafárrejeaddjiduogáš, heajut doaibmannákca ja váilivuohta CV:s.

Sámediggi ávžžuha gelbbolaš kandidáhtaid ohcat, bealátkeahttá agis, sohkabealis, doaibmahehttejumi, váilivuođa CV:s ja našuvnnalaš dahje čearddalaš duogáža. Sámediggi lea IA-doaimmahat (Inkluderende Arbeidsliv) ja atná deaŧalažžan bargodilálašvuođa láhčit buoremussan ovttaskas mielbargái.

Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektrovnnalaččat liŋkkain dán siiddus “Oza bargu”, ja galgá sisttisdoallat:

  • Ohcanreivve
  • CV – oahpu ja bargohárjáneami ferte deavdit elektrovnnalaš skovvái
  • Oahppoduođaštusaid ja bargoduođaštusaid ferte bidjat mielddusin
  • Unnimus guokte referánssa

Almmolašvuođalága § 25 mielde sáhttá almmuhit dieđuid ohcci birra vaikke vel ohcci leage bivdán ahte ii fievrriduvvo ohcciidlistui.

Ohcanáigemearri: 25.10.20

Oktavuohta

Eanet dieđuid virggi birra oaččut go válddát oktavuođa:

  • Sámedikki direktevrrain Inger Marit Eira-Åhrén
    Tlf. +47 971 29 744 dahje e-poasta inger.marit.eira.ahren@samediggi.no
     
  • Bedriftskompetanse Linn B. Sollund-Walberg
    Tlf. +47 990 06 318 dahje e-poasta lsw@bedriftskompetanse.no
     

Eanet dieđuid Sámedikki birra gávdná min ruovttusiiddus www.samediggi.no

Ohcanáigemearri

25. golggotmánnu 2020

Bargoaddi

Gielda

Guovdageaidnu-Kautokeino, Gáivuotna-Kåfjord-Kaivuono, Hamarøy, Hattfjelldal, Kárášjohka-Karasjok, Snåase-Snåsa, Tjeldsund, Unjárga-Nesseby

Viidodat

Ollesáiggis

Bistin

Fásta

Jobbnorge-ID

194226

Avdelingsdirektør – Avdeling for oppvekst og opplæring – Sametinget – Samisk